અંતરિક્ષ પરી કલ્પના ચાવલાના જીવન સાથે જોડાયેલી કેટલીક અજાણી વાતો!

લાઇફસ્ટાઇલ ડેસ્કઃ કલ્પના ચાવલાની છેલ્લી ઉડાન 16 જાન્યુઆરી 2003ના કોલમ્બિયા સ્પેસ શટલથી શરૂ થઈ હતી. આ 16 દિવસનું મિશન હતું. આ મિશન પરથી પરત આવતી વખતે 1 ફેબ્રુઆરી 2003ના શટલનું અકસ્માત થઈ ગયું. આ અકસ્માતમાં કલ્પના સહિત 6 અંતરિક્ષ યાત્રીઓએ પોતાનો જીવ ગુમાવ્યો હતો. કલ્પનાના જીવન સાથે જોડાયેલા કેટલાક અજાણ્યાં પાસાઓ વિશે આજે અમે તમને રૂબરૂ કરાવી રહ્યા છીએ...

- 1997માં કલ્પના ચાવલાએ પહેલી અંતરિક્ષ યાત્રા કરી હતી. જ્યારે તે સ્પેસ શટલ કોલમ્બિયામાં હતી, ત્યારે તેણે એક પ્રાઇમરી રોબોટિક આર્મ ઓપરેટર અને સ્પેશ્યલિસ્ટની કામગીરી કરી હતી.

 

- કલ્પના ચાવલાને બાળપણથી જ અંતરિક્ષ યાત્રી બનવાની ઈચ્છા હતી. તેને તે મુજબ શિક્ષા પણ લીધી. 1988માં તેણે બોલ્ડરમાં કોલોરાડો યૂનિવર્સિટીથી એરોસ્પેસ એન્જિનિયરિંગમાં પીએચડી કર્યું હતું.

 

- ચાવલા એક સમજદાર મહિલા હતી. તેને કોમર્શિયલ પાયલટ લાઇસન્સ મળ્યું હતું, જેની અંતર્ગત તેને સીપ્લેન, મલ્ટિએન્જિન એરપ્લેન અને ગ્લાઇડર ચલાવવાની પરવાનગી મળી હતી.

- અમેરિકામાં રહેવા છતાં કલ્પના શુદ્ધ શાકાહારી હતી.

 

- ચંદીગઢની પંજાબ એન્જિનિયરિંગ કોલેજમાં અભ્યાસ કર્યા પછી તેણે ત્યાં જ સૌથી પહેલી લેક્ચરરની નોકરી કરી.

 

- ભારતમાં અભ્યાસ પૂરો કરી યૂનિવર્સિટી ઑફ ટેક્સાસમાં કલ્પનાએ લાસ્ટ ડેટમાં એડમિશન લીધું હતું.

 

- એક યુવતી હોવા છતાં કલ્પનાએ ક્યારેય પણ કોઈ પ્રકારના આભુષણ નહોતા પહેર્યા. કલ્પનાને ભરતનાટ્યમ ખૂબ જ પસંદ હતું.

- કલ્પના મેકઅપ પર પૈસા ખર્ચ કરવા વ્યર્થ માનતી હતી અને પોતાના વાળ સ્વયં કટ કરતી હતી.

 

- ઘરમાં કલ્પનાને પ્રેમથી બધા મોન્ટુ કહેતા હતા.

 

- નાસા જોઇન કર્યા પછી કલ્પના કરનાલથી દર વર્ષે 2 બાળકોને પોતાના ખર્ચે નાસા વિજિટ કરાવતી હતી. આ બાળકો 10થી 12 દિવસ ત્યાં રહેતા હતા. ભારતથી યૂએસ સુધીનો તમામ ખર્ચ કલ્પના કરતી હતી. આ પરંપરા કલ્પનાની મૃત્યુ પછી પણ ચાલુ છે.